Online оқыту

РЕСМИ ИНТЕРНЕТ-РЕСУРС

ТАРАЗ МЕМЛЕКЕТТІК ПЕДАГОГИКАЛЫҚ Университеті

abay175

16 НАУРЫЗДАН БАСТАП ЖОҒАРҒЫ ОҚУ ОРЫНДАРЫ ҚАШЫҚТЫҚТАН ОҚЫТУ ТҮРІНЕ КӨШЕДІ



Студенттер үйі

Тараз мемлекеттік педагогикалық университетінің «Студенттер үйі» 460 адамға арналған. Тараз қаласыЖамбыл даңғылы 16А мекен-жайы бойынша орналасқан жатақхана аумағы4843 м2 құрайды. «Студенттер үйінде» санитарлық-гигиеналық талаптар толығымыен сақталып, қазіргі заман талабына сай жабдықталған:

- жатақханада қыз балаларға және ұл балаларға арналған жуынатын бөлмелер;

- автоматты кір жуғыш машиналар орнатылғанкиім жуатын және кептіретін бөлмелер;

- әрбір қабатында электрлі плиталармен жабдықталған асханалар;

- интернет желісіне жалғанған «компьютер залы»;

- дене шынықтыру жаттығуларын жасау үшін «тренажер залы»;

- әр қабатта теледидар көруге арналған «демалыс» бөлмелері;

- кітапхана мен оқу залдары:

- сызу және сурет мамандықтарында оқитын білімгерлерге арналған шеберхана залы бар.

Жатақханада тұру ережелерін сақтау бойынша іс-шаралар өткізіледі және рұқсаттама қағазы қолданылады.

Жатақханаға орналасу, тұру және қызметтер үшін ақы төлеу

Студенттерді жатақханаға орналастыру белгіленген санитарлық нормаларды сақтаумен, жатақханада тұру және орындарды бөлу жөніндегі ережелеріне сәйкес жүргізіледі. ТарМПУ бұл ережелерді Қазақстан Республикасы Білім және ғылым министрінің 2016 жылғы 22 қаңтардағы №66 бұйрығымен және Мемлекеттік білім беру ұйымдарының жатақханаларындағы орындарды бөлу қағидалары (бұдан әрі - қағида) «Білім туралы» 2007 жылғы 27 шілдедегі Қазақстан Республикасы Заңының 5-бабы 46-13) тармақшасымен бекітілген қағидасына сәйкес әзірлеген.

«Студенттер үйінде» орындарды бөлу жөніндегі комиссия құрылады. Оның құрамында: университеттің басшылық құрамының өкілі – білім алушылардың жатақханаларда тұру мәселесіне жетекшілік ететін университет басшысының орынбасары, студенттік өзін-өзі басқару органдарының өкілдері, деканат өкілдері, жастар саясаты мәселелеріне жетекшілік ететін ұйымның құрылымдық бөлімшелерінің өкілдері бар.

Студенттерді жатақханаларға орналастыру 28 тамыздан бастап 10 күн ішінде жүргізіледі.

Студенттерге жатақхана беру екі кезеңнен тұрады. Қағидаға сәйкес 2-3 курс студенттеріне маусым айында, 1 курс және одан артылған орындарға 2-3 курс студенттеріне тамыз айында беріледі. Сонымен қатар, бірінші кезекте мемлекеттік тапсырыс бойынша білім алушылар, ал қалған орындарға – келісімшарт негізінде білім алушылар жатады.

Сондай-ақ, жатақхана бірінші кезекте төмендегі студенттерге беріледі:

-       1 курс студенттеріне;

-       Мемлекеттік грант негізінде білім алатындарға;

-       Өзге республика мен шалғай облыстардан келгендерге;

-       Ата-анасының қамқорлығынсыз қалғандарға;

-       Ата-анасының бірі қайтыс болғандарға;

-       Көп балалы отбасынан шыққан және ата-анасы жұмыс істемейтін студенттерге;

-       Университеттің қоғамдық жұмысына белсене қатысқан студенттерге.

Жатақханаға орналасқан кезде студент медициналық қараудан өтуге міндетті. Медициналық комиссия медицициналық анықтама береді.

Студент жатақхана меңгерушісіне келесі құжаттарды тапсыруы тиісті:

- жеке куәлік (көшірмесі;

- өтініш;

- медициналық анықтама;

алдыңғы кезеңге кем дегенде 10 айға жатақханада тұру үшін төлем туралы түбіртекті ұсынады.

Жатақхана меңгерушісі бұйрық пен ұсынылған құжаттар негізінде студентке жатақханада тұру ордері иелік қағазы мен жатақханаға кіру құжатын береді.

Жатақханадағы тұрғын үй пайдалану төлемақысының мөлшерін анықтау тәртібі Қазақстан Республикасындағы заңнамаға сәйкес белгіленеді.

Ата-анасының қамқорлығынсыз қалған студенттерге тегін тұру мүмкіндігі қарастырылған.

Тәрбие жұмысы

Қазіргі таңда «Студенттер үйінде» білімгерлердің өзін-өзі басқару жүйесі қалыптасқан, білімгерлер кеңесінің төрайымы және мүшелері жалпы бөлмелерді бөлу, орналасу, тазалық пен тәртіптің бұзылмауын қадағалап отырады.

Білімгерлердің бос уақытын тиімді және қызықты  өткізу үшін барлық жағдай жасалған. Өнерлі жастардан  тұратын ұйымдар құрылған.

Сонымен қатар, «Студенттер үйінде» әртүрлі үйірмелер мен клубтар жұмыс жасайды. Мәселен, «Шахмат» клубы, «Бәйтерек» клубы, «Айша» тәлім-тәрбие отауы, «Жан сыры» психологиялық қызмет көрсету орталығы. Аталмыш ұйымдардың мақсаты: ұлттық құндылықтарды қорғауға, жоғары кәсібилікке ұмтылушы жастардың бос уақыттары мен мерекелерді көңілді өткізуіне, жаңа бастамасына қолдау көрсетуге және рухани байлықтарды насихаттай отырып, студенттердің бойында сенімді, дәстүрді, төзімділікті қалыптастыруға, болашақ жаңа тұрпатты мамандардың қоғамдық өмірге деген белсенділіктерін тәрбиелеуге, студенттердің тұлға ретінде жетілуіне, психологиялық саулығын жан-жақты қолдауға,мәдени-спорттық шараларды тұрақты және жүйелі өткізуге бағытталған.

«Бәйтерек» клубы арнайы құрылған жоспар арқылы жұмыс жүргізеді. Атаулы мерекелерді «Білімгерлер кеңесімен» бірігіп  өткізеді. І курс білімгерлеріне арналған «Таныстыру кеші», «Үлгілі бөлме», «Үлгілі қабат», «Үздік аспазшы», «Күз ханшйымы», «Жаңа жыл мерекесі», «Халықаралық студенттер күні» және «8 наурыз Халықаралқ әйелдер күні» т.б. іс-шаралар тұрақты түрде өткізіліп тұрады.

Қыздарға арналған «Айша» қыздар тәлім-тәрбиеге арналаған бөлмесі бар. «Айша» қыздар тәлім-тәрбие отауының мақсаты: бойжеткен қыз баланың проблемаларын қарастырып, шешімін тауып қыздардың дұрыс жол таңдап, сыр бөлісіп, жаман жолға түсіп кетпеуіне алдын алу.  Қыздарымызға арналған сән- салоны қызмет көрсетеді.

Университет жатақханасының ауласында заман талабына сай жаңа спорт кешені мен демалыс орындары қамтамасыз етіліп, абаттандырылған алаңдар қолдануға берілген.

Білімгерлер «Кәсіподақ комитеті», «Қазақстан студенттер Альянсы», «Студенттік Кеңесімен» бірігіп, жоғары мектептердің кезекшілік міндетін атқаруын, жатақхананың тазалығы мен санитарлық-гигиеналық ахуалына байланысты сауалнамалардың алынуын қадағалап, қалпында тұруын бақылайды.

Сонымен қатар, әкімшілік тарапынан университет ғимараттарының және «Студенттер үйінің» қалыпты жағдайын, техникалық, жылу қауіпсіздігін қамтамасыз ету, төтенше жағдайлардың алдын-алу бойынша тұрақты жұмыстар жүргізіледі. Күнделікті студенттер үйінде  екі қауіпсіздік қызметкері мен вахтёр кезекшілік атқарады.

Find the Best Web Hosting which offers reliable service and top quality support
Күнтізбе