РЕСМИ ИНТЕРНЕТ-РЕСУРС

ТАРАЗ МЕМЛЕКЕТТІК ПЕДАГОГИКАЛЫҚ Университеті

ТАРАЗ МЕМЛЕКЕТТІК ПЕДАГОГИКАЛЫҚ УНИВЕРСИТЕТІ БОЙЫНША 2018 ЖЫЛДЫҢ 26-30 ҚАРАША АРАЛЫҒЫНДА «ЖАС ТАЛАП – 2018» АТТЫ СТУДЕНТТЕРДІҢ ҒЫЛЫМИ АПТАЛЫҒЫ ӨТЕДІ.



Филология факультеті

ФАКУЛЬТЕТ ТАРИХЫ

Филология факультеті – Тараз Мемлекеттік Педагогикалық Университетінің  алғашқы факультеттерінің бірі болып есептеледі. Ол 1967-ші жылы құрылды. Әр жылдары факультетті басқарған тұлғалар: ф.ғ.к., доцент Ж. Қ. Оспанов, ф.ғ.к., доцент, С. Ф. Василенко, ф.ғ.к., доцент А. Г. Шуканов,  п. ғ. к., доцент Н.К. Кунгуров, п. ғ. к., доцент Р. И. Биккузина, п. ғ. к., доцент О. С. Сәлімбаев, э. ғ. к., доцент Р. С. Амандосова, т. ғ. к, доцент А. Б. Абдуалиев, п. ғ. к., доцент Т. Р. Абдыкадырова, ф.ғ.к., доцент Р. А. Жуншеев, ф.ғ.к., доцент А. Н.Тұраров, ф. ғ.д., М. Р. Көпбаева.

Филология факультетінің құрамында екі кафедра "Орыс тілі және әдебиеті" (кафедра меңгерушісі ф.ғ.к., доцент С. Ф. Василенко ) және"Шетел тілдері" (кафедра меңгерушісі ф.ғ.к., доцент Г.Н.Каймекин) кафедралары болған. Алғашқы жылдары факультеттің «Орыс тілі және әдебиеті", "Қазақ тілді мектептердегі орыс тілі және әдебиеті","Шетел тілдері" мамандықтары бойынша " 100 студент білім алды.

Қазіргі таңда факультетте оқу үрдісін 4 кафедра жүзеге асырып, 5 мамандық түрі бойынша дайындық жүргізіледі.

БІЗ ТУРАЛЫ

Факультет жоғары білікті ғылыми-педагогикалық кадрлармен қамтамасыз етілген, қазіргі таңда кафедраларда жұмыс істейтін ПОҚ саны -75. Оның ішінде 2 ғылым докторы, 4 профессор, 23 ғылым кандидаты, 24 ғылым магистрі. Оқытушылар ұжымы, біздің түлектеріміз, жас мамандармен толықтырылып отырады.

Филология факультетінде үлкен ауқымда білім беру парадигмасы контексінде, полилингвальді білім беру проблемалары бойынша ғылыми-зерттеу жүргізіліп отырады. Зерттеліп отырған мәселенің өзектілігі,  мемлекетіміздің үштұғырлы тіл саясатымен, " Үштұғырлы тіл "жобасының кезеңдік жүзеге асырылу қажеттілігімен, оқу сапасын жетілдірумен қоса, қазақ тілін-мемлекеттік тіл, орыс тілін-ұлтаралық қатынас тілі ретінде және ағылшын тілін жаһандық экономикаға сәтті ауысу тілі ретінде оқытуға негізделген.

Филология факультетінің ұжымы еліміздің Президенті Н.Ә.Назарбаевтың  алға қойған стратегиялық міндеттерін іске асыруда үлкен жауапкершілігін түсінеді және Қазақстан Республикасының білім беру жүйесін жетілдіруде өз үлесін қосуға дайын.

Факультет қызметінің басты өлшемі – университет түлектерінің сұранысқа ие болуы. Білікті профессор-оқытушылар ұжымының сапалы білім беруі, заманауи мазмұнды білім беру бағдарламаларының, материалдық-техникалық база мен ойластырылған оқу процесінің негізінде білім алған түлектеріміз бәсекеге қабілетті және сұранысқа ие. Оны жұмыс берушілердің түлектерге  жоғары баға беруінен байқауға болады.

КАФЕДРАЛАР

Факультетте оқу үрдісін 4 кафедра жүзеге асырады және 5 мамандық бойынша мамандар дайындайды

"Қазақ филологиясы" кафедрасы 1989 жылы 23 тамызда ашылды (№ 217 университет бұйрығы). 1991 жылы факультет жанынан ашылған колледж, "Қазақ тілі мен әдебиеті қазақ тілінде жүргізілмейтін мектептерде оқыту" мамандығы бойынша мамандар даярлады.

"Орыс филологиясы" кафедрасы – Тараз мемлекеттік педагогикалық университетінің 1968 ж. құрылған кафедраларының бірі. Қазіргі уақытта ғылыми әлеуеті өте жоғары болып табылады. Кафедраның профессор-оқытушылар құрамы жоғары біліктілігімен, тұтастығымен және ұйымдастырушылық қабілетімен ерекшеленеді.

"Практикалық шетел тілдері" кафедрасы "Шетел тілдері" кафедрасының техникалық және педагогикалық мамандықтар негізінде 2004 жылдың сәуір айында ашылды. Кафедра қызмет көрсетуші кафедра болып табылғандықтан, оқытуды ағылшын және неміс тілдерінде жаратылыстану, педагогика, тарих-география және шығармашылық мамандықтары бойынша жүзеге асырады.

2007 жылы "Ағылшын тілі" және "Неміс тілі" кафедраларын біріктіру арқылы "Герман тілдері және оны оқытудың әдістемесі" кафедрасы құрылды. 2012 жылдың тамыз айында Ғылыми кеңестің шешімімен кафедра "Шетел тілдері" кафедрасы деп аталды.

ХАЛЫҚАРАЛЫҚ БАЙЛАНЫС

Қазіргі уақытта тілдерді үйрету бойынша, болашақ мамандарды оқыту саласында мол тәжірибе жинақталған және шет елдермен тығыз қарым-қатынас орнатылуда. Қазақстан Республикасында білім беруді дамытудың 2011-2020 жылдарға арналған мемлекеттік бағдарламасына сәйкес, профессорлық-оқытушылар құрамы Еуропалық білім беру кеңістігін енгізу бойынша, Болон үдерісінің принциптеріне сәйкес оқу процесін әлемдік деңгейге жеткізуге арналған бірқатар іс-шараларды жүзеге асырды. Оқу бағдарламасының мазмұнын анықтау мақсатында академиялық ұтқырлық шеңбері кеңейді. Karabük, Kastamonu - Түркия, Tomas Bata – Чехиия университеттерімен әріптестік байланыс ұйымдастырылған. Бірлескен білім беру бағдарламаларын және академиялық ұтқырлықты дамыту мақсатымен, екі жақты келісім негізінде, Сегед университетінде (Венгрия) филология факультетінің студенттері мен оқытушылары өз тәжірибелерімен алмасады.  Шамамен 30 пайызға жуық оқытушылар Испания, Валенсия, Польша, Америка, Германия, Ресей, Қырғызстан сияқты елдерде, таяу және алыс шетелдерде оқытылады. Жыл сайын корей тілі мен әдет-ғұрпына қызығушыларға арнап, үш апталық PAS (Тынық мұхиттық азиялық қоғам) деп аталатын жаздық мектептер ұйымдастырылады.

СТУДЕНТТІК ӨМІР

Тараз мемлекеттік педагогикалық университетінің іргелі білім беру орталықтарының бірі болып табылатын Филология факультеті, қазіргі уақытта тіл және әдебиет, ауызша өнер және мәдениеттің ұстаханасы болып  табылады. Факультетте студенттердің ғылыми-шығармашылық қабілеттерін дамыту мақсатында  «Жас Отан» жастар қанаты, Альянс студенттер одағы, «Жайдарман», «Біз бірге боламыз» еріктілер тобы, «Руханият» дебат клубы, «Қыз жібек» қыздар клубы сынды студенттік ұйымдар қызмет атқарады және олар университеттің мәдени өміріне белсене араласады. Факультет студенттерінің теориялық және шығармашылық дайындығының жоғары деңгейін жыл сайынғы түлектердің еңбек нарығындағы жоғары сұранысымен айқындауға болады. Олар әр түрлі оқу орындарында (мектептер, гимназиялар, колледждер, университеттер), баспасөзде (газет және журнал редакциялары, баспалар, радио және теледидар), мемлекеттік қызметте (мұрағат, кітапхана, мұражай), туристік агенттіктерде, фирмаларда сұранысқа ие. Өнер туындылары, баяндамалар мен талантты студенттердің ғылыми мақалалары университеттің басылымдарында, түрлі жинақтарда үнемі жарияланып отырады.

Бакалавр:

Факультет келесі мамандықтар бойынша филология бакалаврын дайындайды:

- 5В011700- Қазақ тілі мен әдебиеті;

- 5В011800 - Орыс тілі мен әдебиеті;

- 5В011900 - Шет тілі: екі шет тілі:

- ағылшын және неміс тілдері;

- ағылшын және қытай тілдер;

- ағылшын және түрік тілдері;

- ағылшын және корей тілдері

-ағылшын және француз тілдері

- 5В012100 - Орыс тілінде оқытылатын мектептердегі қазақ тілі мен әдебиеті;

- 5В012200 - Орыс тілінде оқытылатын мектептердегі орыс тілі мен әдебиеті.

Магистратура:

6М011900 - Шет тілі: екі шет тілі

6М 011700- Қазақ тілі мен әдебиеті

6М 011800 - Орыс тілі және әдебиеті;

Докторантура:

6D011800 - Орыс тілі мен әдебиеті;

БАЙЛАНЫС: Факультет мекен-жайы: Тараз қаласы, Төле би к-сі, 70, №3 оқу корпусы. Телефон нөмірі: +7 (7262) -34-04-72

Find the Best Web Hosting which offers reliable service and top quality support
Күнтізбе