РЕСМИ ИНТЕРНЕТ-РЕСУРС

ТАРАЗ МЕМЛЕКЕТТІК ПЕДАГОГИКАЛЫҚ

Университеті

ТАРАЗ МЕМЛЕКЕТТІК ПЕДАГОГИКАЛЫҚ УНИВЕРСИТЕТІ СІЗДЕРДІ «ЗАМАНАУИ БІЛІМ: ӘДІСНАМА, ТЕОРИЯ МЕН ТӘЖІРИБЕ» АТТЫ ХАЛЫҚАРАЛЫҚ ҒЫЛЫМИ-ТӘЖІРИБЕЛІК КОНФЕРЕНЦИЯСЫНА ШАҚЫРАДЫ, ӨТЕТІН КҮНДЕРІ: 26-27 ҚАЗАН, 2018 Ж. // ТАРАЗ МЕМЛЕКЕТТІК ПЕДАГОГИКАЛЫҚ УНИВЕРСИТЕТІ СІЗДЕРДІ «БІЛІМ БЕРУ МАЗМҰНЫН ЖАҢАРТУ ЖАҒДАЙЫНДАҒЫ ҚАЗАҚСТАН МЕКТЕБІ» АТТЫ РЕСПУБЛИКАЛЫҚ ҒЫЛЫМИ-ӘДІСТЕМЕЛІК КОНФЕРЕНЦИЯСЫНА ҚАТЫСУҒА ШАҚЫРАДЫ, ӨТЕТІН КҮНДЕРІ: 2-ҚАРАША, 2018 Ж. // ТАРАЗ МЕМЛЕКЕТТІК ПЕДАГОГИКАЛЫҚ УНИВЕРСИТЕТІ БОЙЫНША 2018 ЖЫЛДЫҢ 26-30 ҚАРАША АРАЛЫҒЫНДА «ЖАС ТАЛАП – 2018» АТТЫ СТУДЕНТТЕРДІҢ ҒЫЛЫМИ АПТАЛЫҒЫ ӨТЕДІ.



Ғылыми кітапхана

ТАРИХЫ


Тараз мемлекеттік педагогикалық университеті кітапханасының тарихы 1967 жылдың күзінде Қазақ ССР білім министрлігінің және оқу орнының бастамасы бойынша мамандықтарға байланысты қорында 12 мыңға жуық басқа кітапханалардан түскен дублетті әдебиеттермен жинақталған, 20 орынды оқу залы мен абонемент бөлімі іске қосылды. Ғылыми қор бірнеше сөздіктер мен орыс тілінің бір ғана энциклопедиясынан құралды. Кітапхананың  меңгерушісі Мазина Нина Сергеевна тағайындалып, алғашқы  300 оқырмандарға қызмет көрсеткен кітапханашылар М.С.Тұрарова, С.П.Пиунина, ал 70-80 жылдары кітапхана меңгерушісі А.В.Хабарова және 23 қызметкерден (Н.А.Халилова, Н.Ф.Кадысева, Т.В.Гнатенко) тұрды. 1985 жылы кітап қоры 170 мың данаға ұлғайып, кітапхана жаңа оқу ғимаратына көшіп, 3 оқу залы, абонемент бөлімі, 3 кафедралық кітапхана ашылып, жылына 3 мыңнан аса оқырмандарға қызмет көрсетілді.

1998 жылдың наурыз айында 3 институттардың бірігуінің нәтижесінде (Жамбыл педагогикалық университеті, Жамбыл жеңіл және тамақ өнеркәсібі технологиялық университеті, Жамбыл гидромелиоративті және құрылыс университеті) М.Х.Дулати атындағы Тараз мемлекеттік университетінің ғылыми кітапханасы болып қызметін жалғастырды.

2004 жылдың сәуірінде Тараз мемлекеттік педагогикалық университетінің жеке бөлінуіне байланысты құрылымында 111 мың атаулы 343507 дана оқулықтар, ғылыми, көркем әдебиеттермен қатар, монографиялар, ғылыми еңбектер мен мерзімді басылымдардан тұратын әмбебап мазмұнды қоры бар ғылыми кітапхана ұйымдастырылды. 2004-2010жж. аралығында 4 оқу ғимаратында орналасқан кітапхана құрылымы ұлғайды: 4 секторлар, 2 абонемент бөлімі, 5 оқу залдары,  «Балауса» клубы, мерзімді басылымдар залы мен 5 комплект компьютер, 10 орындық саны бар электронды оқу залы оқырмандарға қызмет көрсетті.

Бүгінгі таңда ғылыми кітапхана университеттің 6 оқу ғимаратында орналасқан, жалпы алаң көлемі 1464 ш.м. құрайды, оқу залдарындағы орындықтар саны – 417, қызмет көрсету пунктері -18, құрылымында 4 бөлімі бар, 2 абонемент, 5 оқу залдары,  кафедралық кітапханалар («Орыс филологиясы», «Психология және акмеология», «Бастапқы әскери дайындық», «Дене тәрбиесі ілімі мен әдістемесі» кафедралары, «Шетел тілдері», «Қытай тілі» ресурс орталықтары, Академиялық мәселелер жөніндегі департамент,  «Дінтану»  және «Жан сыры» психологиялық қызмет көрсету орталығы), «Library club» қызығушылық клубы мен 40 компьютермен жабдықталған 2 электронды оқу залдары  оқырмандарға арнайы білімді білікті 33 кітапханашы қызмет көрсетеді. Оның 18 кітапханашысы 45 сертификат иегері.

ТарМПУ ғылыми кітапхананың жалпы қорында 181 мың атаулы 575 мың құжаттар жинақталған, оның кітап қоры - 331947, мерзімді басылымдар қоры - 166832, электронды ресурстар қоры - 76994. Жылына 210 атаулы газет-журналдар түседі, қорында 560 атаулы отандық және шет елдерінің газет-журналдары жинақталған.  5000-ға жуық оқырманы бар ғылыми кітапхана жылына 20 мыңнан аса оқырмандарға қызмет көрсетіп, 700 мыңнан аса дана кітаптар мен мерзімді басылымдарды қолға береді.  Жалпы кітапханаға жылына 390 мыңға жуық оқырман келеді.

Әмбебап мазмұнды әдебиеттерге бай кітапхана қоры отандық және Ресей Федерациясының ірі баспаханаларынан шыққан және қайырымдылық қорлардан түскен 10-15 мыңға жуық әдебиеттерімен толықтырылады, сапалы ғылыми-техникалық өңдеуден өтіп, штрих-кодталып, ЭКДҚ енгізіледі.

Профессор-оқытушылар құрамы мен студенттердің ақпараттық-медиалық сауаттылығын жетілдіру және кітапхана қорын таныстыру бағытында жылына 20 жуық оқыту-тренингтері, виртуалды экскурсиялар, кітапхана күндерін, жылжымалы кітап көрмелерін өткізеді.

Кітапхана мәдениет және рухани байлықтың ошағы болғандықтан, студент жастардың патриоттық, адамгершілік тәрбиесін дамытуда, кітап қорларын насихаттау мен кітапқа деген қызығушылығын оятуда ғылыми кітапхана үлкен рөл атқарады. Университетте өткізілетін іс-шараларға кітапхана қызметкерлері белсене атсалыса отыра, жылына 50-ге жуық кітап көрмелері жасалып, кітапхана қорынан 10 мыңға жуық құжаттар оқырмандар назарына ұсынылады. Жыл сайын ғылыми кітапхана «Бір ел – бір кітап» акциясы, «Әлемді кітаппен таны» кітап оқу акциясы, кітап фестивалін, байқау, тұсаукесерлер, әдеби-сазды, тарихи кештер, пікірталастар т.б. іс-шараларды өткізеді.

Бүгінгі күн талабында ақпарат – білім және кәсіби дамудың негізі болып табылатындықтан, университет кітапханасында әртүрлі ақпарат ресурстарына бай және әлемдік ақпарат көздеріне мүмкіндік беретін электронды оқу залдары оқырмандарға қызмет көрсетуде, 70-ке жуық компьютерлер локальді желіде жұмыс істейді, Интернетке кіру мүмкіндігі тегін қарастырылған.

Университет студенттері мен оқытушыларына локалді және On-line режимде университет (www.tarmpu.kz) және кітапхана Web-порталын (www.bibl.tarmpu.kz), «ТарМПУ Электронды кітапханасын» (www.ecat.tarmpi.kz), 10 отандық және 123 ресейлік электронды онлайн-кітапханалар, 4 шетелдік толықмәтінді электронды дерекқорларын тегін пайдалануға мүмкіндік жасалған.

Кітапхана Web-порталы арқылы электронды  каталогтар дерекқорын  (ЭКДҚ) қолдану тәсілдері мен мәлімет іздеу жолдары, отандық РЖООЭК, КазҰЭК, «IKITAP», «Әдебиет порталы», «Мәдени мұра» және ресейлік тегін Оn-Line электронды ресурстарын оқу-іздену үрдісінде пайдалану мүмкіндіктері  және шетелдік Web of Science (Thomson Reuters),  Elzeviеr (ScienceDirect, Scopus), SpringerLink, Taylors&FranceOnIine,   платформаларының толықмәтінді электронды   ресурстар  қорын, IPRbooks, BibIioRossica, POLPRED.COM базасын  пайдалану, тіркелу жолдарымен таныстырлады.

Соңғы 4 жыл ішінде дәстүрге айналған университет базасында Жамбыл облысы білім беру жүйесіне қарасты ЖОО, колледж және мектеп кітапханашыларының кәсіби біліктілігін жетілдіру мақсатында кәсіби сұхбат алаңдарын, семинар, тренингтер өткізуде.

ТарМПУ ғылыми кітапханасының миссиясы – жоғары білікті маман – жаңа тұрпатты мұғалім дайындауда оқырмандардың білім алуы мен ғылыми ізденуін кәсіби қажеттіктеріне сәйкес ақпараттық қамсыздандыру, кітапхананың өзіндік, отандық және әлемдік ғылыми-білім беру ақпараттық ресурстарын онлайн режимде пайдалануына мүмкіндік жасау, жаңа және дәстүрлі технологияларды жетілдіре отыра толық әрі сапалы кітапханалық-ақпараттық қызмет көрсету.

ТарМПУ ғылыми кітапхана дамуының негізгі бағыттары:

-   университеттегі білім беру және ғылыми-зерттеу бағдарламаларына сәйкес құжаттар қорын қалыптастыру, құрамы мен көлемін нормативтік талаптарға сәйкестендіру, қордың сақталуын қамтамасыз ету;

-   кітапхананың инфрақұрылымын дамыту, пайдаланушыларға қолайлы кітапханалық кеңістікті ұйымдастыру;

-   жаңа технологияларды қолдану негізінде электронды кітапхананы жетілдіру;

-   кітапхананың инновациялық дамуында  технологиялық бағыттарын жетілдіру;

-  ақпараттық-кітапханалық қызмет түрлерін модернизациялау және жаңа қызметтерді енгізу арқылы сапалы қызмет көрсетуді ұйымдастыру;

-   кітапхананың жаңа имиджін қалыптастыруда маркетингтік жұмыс жүргізу;

-   серіктестік байланысты нығайта отыра корпоративтік қызметті жетілдіру;

-   кітапхана қызметкерлерінің біліктілігін үнемі жетілдіру;

-   студенттердің жалпықазақстандық мәдениетін дамытуға, бәсекеге қабілетті рухани мәдени ментальдігін қалыптастыруға ат-салысу.

 

ТарМПУ Ғылыми кітапханасы оқырмандарының ақпараттық сұраныстарын қанағаттандыру және қызмет көрсету сапасын арттыру бағытында мемлекеттің білім беру саласындағы стратегиялық мақсаттары мен университеттің 2011-2020 жылдарға арналған даму стратегиясына, кітапхана қағидасы мен жұмыс жоспарына сәйкес мынадай бағыттарда жұмыс жүргізеді:

І.  ОҚЫРМАНДАРҒА   ҚЫЗМЕТ   КӨРСЕТУДІ   ҰЙЫМДАСТЫРУ

ІІ. КІТАП ҚОРЫН  ҰЙЫМДАСТЫРУ  ЖӘНЕ  САҚТАУ

ІIІ. АНЫҚТАМАЛЫҚ - БИБЛИОГРАФИЯЛЫҚ  ЖҰМЫС

ІҮ. КІТАПХАНА ҮРДІСТЕРІН АВТОМАТТАНДЫРУ

Ү.  КӨПШІЛІК ІС-ШАРАЛАРДЫ ҰЙЫМДАСТЫРУ

ҮІ. ӘДІСТЕМЕЛІК ЖҰМЫСТЫ ЖҮРГІЗУ

Негізгі атқарылатын қызметтеріне сәйкес кітапхана:

-  сапа менеджменті жүйесін кітапхана қызметіне енгізу арқылы оқырмандар талаптарын үнемі анықтап, сұраныстарын қанағаттандырды;

-  жаңа және дәстүрлі технологияларды жетілдіру негізінде студенттер, профессор-оқытушылар құрамы мен қызметкерлердің білім алуы мен ғылыми ізденуін ақпараттық қамсыздандыру және кітапхана қорын толық пайдалануына қолайлы жағдай жасалды;

-  университет профилі мен пайдаланушылардың ақпарат қажеттіліктеріне сәйкес құжаттар қоры түзіліп, дәстүрлі және электронды тасымалдағыштарда мемлекеттік және басқа тілдерде жинақталды, сақталуы қамтамасыз етілді;

-  анықтамалық-іздестіру аппараты дәстүрлі және электронды түрде жүргізілді, пайдаланылуы мен сақталынуы қамтамасыз етілді;

-  ақпараттық кеңістікті қалыптастыруда ТарМПУ Электронды кітапхана мен веб-порталы білім беру ақпарат ресурстарымен толықтырылды, электронды қызмет сервистері жетілдірілді;

-  ашық қолжетімді ақпараттық электронды ресурстарды жасау және ұсыну, ауқымын кеңейту мен жылдамдатудың тиімді жолдарын енгізу жұмыстары жүргізілді;

-  ТарМПУ профессор-оқытушылары мен білімгерлердің ақпараттық сауаттылығын жетілдіру және электронды ақпараттық ресурстарды насихаттау бағытында арнайы оқыту тренингтері, интернет-презентациялар және т.б. іс-шаралар өткізілді;

-  кітапхана қызметінің сапасы мен тиімділігін арттыру мақсатында жаңаша озық іс-тәжірибелер енгізілді;

кітапхана қорын жан-жақты насихаттау бағытында жаңа форматта ақпараттық және көпшілік іс-шаралар ұйымдасырылды.

ҒЫЛЫМИ КІТАПХАНА ҚҰРЫЛЫМЫ:

Кітапхана құрылымында  әрқайсысының ерекшеліктері бар, бірақ, бір-бірімен тығыз байланыста жұмыс істейтін 4 сектор қызмет көрсетеді. Олар:

I. Кітап қорын толықтыру және ғылыми  өңдеу секторы

II. Ақпараттық қызмет көрсету секторы

III. Ақпараттық-библиографиялық секторы

IV. Электронды ресурстарды үйлестіру секторы

Find the Best Web Hosting which offers reliable service and top quality support